சென்னை வில்லிவாக்கம் தெற்கு ஜெகநாதன் நகர் 3-வது பிரதான சாலையில் ரெயில்வே துறைக்கு சொந்தமான இடத்தில் 350-க்கும் மேற்பட்ட குடியிருப்புகளில் உள்ள மக்கள் 50 ஆண்டுகளுக்கும் மேலாக அங்கு வசித்து வருகின்றனர். இந்நிலையில் நேற்று 100-க்கும் மேற்பட்ட துப்பாக்கி ஏந்திய போலீசாருடன் ரெயில்வே அதிகாரிகள் அங்கு திரண்டு வந்து குடியிருப்பு வீடுகளை அகற்ற நடவடிக்கை மேற்கொண்டனர். அப்போது, அங்கு திரண்ட பொதுமக்கள் குடியிருப்புகளை அகற்ற எதிர்ப்பு தெரிவித்து அதிகாரிகளிடம் வாக்குவாதத்தில் ஈடுபட்டனர். தகவலறிந்த வந்த எம்.எல்.ஏ. வெற்றியழகன் அயனாவரம் தாசில்தார் ராமு, கவுன்சிலர் ஜெயின் மற்றும் போலீசார் சம்பவ இடத்திற்கு வந்து பொதுமக்களிடம் பேச்சுவார்த்தை நடத்தினர்.