தமிழ்நாடு அரசு ரேஷன் கடை பணியாளர் சங்கத்தின் சார்பில் கோரிக்கைகளை வலியுறுத்தி தர்மபுரி தொலைபேசி நிலையம் முன்பு நேற்று மறியல் போராட்டம் நடைபெற்றது. போராட்டத்துக்கு சங்க மாவட்ட தலைவர் கோவிந்தராஜ் தலைமை தாங்கினார். மாநில செயற்குழு உறுப்பினர் தனசேகரன், மாவட்ட செயலாளர் குமார், மாவட்ட பொருளாளர் ஜான்ஜோசப் உள்ளிட்ட நிர்வாகிகள் முன்னிலை வகித்தனர்.

தமிழ்நாடு அரசு பணியாளர் சங்க மாநில பிரசார செயலாளர் சுகமதி கோரிக்கைகள் குறித்து விளக்கி பேசினார். இந்த போராட்டத்தில் பங்கேற்றவர்கள் தொலைபேசி அலுவலகம் முன்பு உள்ள சாலையில் அமர்ந்து மறியலில் ஈடுபட்டனர். இதில் ரேஷன் கடை பணியாளர்கள் கலந்துகொண்டனர்.