இந்த ஆக்கிரமிப்பை மாவட்ட வருவாய்த்துறை அதிகாரிகள் கண்டறிந்தனர். இதைத் தொடர்ந்து ஆக்கிரமிப்புகளை அகற்ற 2 முறை அறிவிப்பு வழங்கிய நிலையில், ஆக்கிரமிப்புகளை அகற்றாமல் உள்ளாட்சி பிரதிநிதி குடும்பத்தினர் காலம் தாழ்த்தி வந்தனர்.

இந்தநிலையில் நேற்று மாவட்ட வருவாய் அலுவலர் பன்னீர்செல்வம் தலைமையில் காஞ்சீபுரம் தாசில்தார் பிரகாஷ் மற்றும் வருவாய்த்துறை அதிகாரிகள் சிட்டியபாக்கம் கிராமத்திற்கு சென்று ஓட்டல் ஆக்கிரமிப்புகளை அகற்றி ரூ.2 கோடி மதிப்புடைய புறம்போக்கு நிலத்தை மீட்டனர். அந்த இடத்தில் அறிவிப்புப் பலகையும் வைக்கப்பட்டது.