பல்லடம் சட்டமன்ற தொகுதிக்குட்பட்ட முதலிபாளையம் ஊராட்சியில் பல்லடம் எம்.எல்.ஏ., கரைப்புதூர் நடராஜன் மற்றும் ஊராட்சி தலைவர் மயூரி பிரியா நடராஜ் ஆகியோரின் சொந்த நிதி ரூ.4 லட்சம் மதிப்பில் கொரோனா ஒழிப்பு பணியில் அயராது பாடுபடும் துப்புரவு பணியாளர்களுக்கு சீருடை மற்றும் தொப்பி, முக கவசம், கையுறைகளையும், அதே பகுதியில் வசிக்கும் 2 ஆயிரம் குடும்பங்களுக்கு தலா 5 கிலோ அரிசி, முககவசங்களையும் வழங்கினர்.

இதை நேற்று காலை முதலிபாளையம் அரசு உயர்நிலைப்பள்ளி வளாகத்தில் நடைபெற்றது. இதில் பல்லடம் சட்டமன்ற உறுப்பினர் கரைப்புதூர் நடராஜன் கலந்து கொண்டு துப்புரவு பணியாளர்களுக்கு சீருடையும், 5 கிலோ அரிசியும் வழங்கினார். அப்போது பொதுமக்களுக்கு சமூக இடைவெளியை பின்பற்ற அறிவுறுத்தப்பட்டது.