திருவண்ணாமலையில் நடைபெற உள்ள ராணுவ ஆள்சேர்ப்பு முகாமில் பல்வேறு துறைகள் மூலம் மேற்கொள்ளப்பட வேண்டிய முன்னேற்பாடு பணிகள் குறித்த ஆய்வுக்கூட்டம் நேற்று மாவட்ட கலெக்டர் அலுவலகத்தில் உள்ள கூட்டரங்கில் கலெக்டர் சந்தீப் நந்தூரி தலைமையில் நடைபெற்றது.

இதில் காவல்துறை, ஊரக வளர்ச்சி மற்றும் ஊராட்சித்துறை, சுகாதாரத்துறை, தீயணைப்பு மற்றும் மீட்புப்பணிகள் துறை, வருவாய்த் துறை, விளையாட்டுத்துறை, தமிழ்நாடு மின்சார வாரியம், தமிழ்நாடு அரசு போக்குவரத்துக்கழகம், போக்குவரத்துத்துறை, மகளிர் திட்டம், பொதுப்பணித்துறை ஆகிய துறை அலுவலர்கள் மேற்கொள்ள வேண்டிய பணிகள் குறித்து விரிவாக எடுத்துரைக்கப்பட்டது.

கூட்டத்தில் சென்னை ராணுவ ஆள்சேர்ப்பு அலுவலக இயக்குநர் கர்னல் கவுரவ் சேத்தி, மாவட்ட வருவாய் அலுவலர் ரத்தினசாமி, கூடுதல் போலீஸ் சூப்பிரண்டு வனிதா, முன்னாள் படைவீரர் நல உதவி இயக்குநர் முன்னாள் கேப்டன் விஜயகுமார் மற்றும் அனைத்து துறை அரசு அலுவலர்கள் கலந்துகொண்டனர்.