விழுப்புரம் வி.மருதூர் நரசிங்கபுரத்தை சேர்ந்தவர் சங்கர் (வயது 44). இவர் விழுப்புரம் ஜானகிபுரம் பகுதியில் காய்கறி மொத்த வியாபாரம் செய்து வருகிறார். இவருடைய உறவினர்களான திருநெல்வேலி மாவட்டம் விக்கிரமசிங்கபுரத்தை சேர்ந்த கோமதிவிநாயகம், அவரது மனைவி ஷோபனா ஆகிய இருவரும் கடந்த 5 ஆண்டுகளாக விழுப்புரம் நரசிங்கபுரத்திலுள்ள சங்கர் வீட்டின் கீழ்பகுதியில் வசித்து வந்ததோடு அவருடைய காய்கறி கடையில் வேலை செய்து வந்தனர்.

இந்நிலையில் சங்கர், காய்கறி வியாபார வசூல் பணமான ரூ.10 லட்சத்து 50 ஆயிரத்தை கோமதிவிநாயகம், ஷோபனா ஆகியோரிடம் கொடுத்து வங்கியில் செலுத்தும்படி கூறிவிட்டு சொந்த வேலையாக புதுச்சேரிக்கு சென்றுவிட்டார். பின்னர் அங்கிருந்து விழுப்புரம் வந்து பார்க்கும்போது கோமதிவிநாயகம், ஷோபனா ஆகிய இருவரும் வீட்டில் இல்லை.