ராமேசுவரம் தீவை இணைப்பதில் கடலுக்குள் அமைந்துள்ள பாம்பன் ரோடு மற்றும் ரெயில் பாலம் முக்கிய பங்கு வகித்து வருகிறது. அது போல் தினமும் ராமேசுவரம் கோவிலுக்கு கார், வேன் உள்ளிட்ட பல வாகனங்கள் மூலம் வந்து செல்லும் சுற்றுலா பயணிகள் அனைவருமே பாம்பன் ரோடு பாலத்தில் வாகனங்களை நிறுத்தி கடலின் அழகையும் பார்த்து ரசித்து விட்டு செல்கின்றனர்.

அது போல் ரோடு பாலத்திற்கு வரும் சுற்றுலா பயணிகள் மற்றும் இளைஞர்கள் சிலர் ஆபத்தான முறையில் வாகனத்தின் மேலே ஏறி நின்றும், சாலையின் குறுக்கே நின்றும் செல்பி எடுப்பது, இருசக்கரவாகனத்தில் வேகமாக செல்லும் போது தலையை வெளியில் நீட்டி செல்போனில் செல்பி எடுப்பது, சில நேரங்களில் தடுப்பு சுவரில் ஏறி நின்றும், அமர்ந்தும் ஆபத்தான முறையில் எடுப்பது என தொடர்கிறது.