சென்னை அரும்பாக்கம், எம்.எம்.டி.ஏ. காலனியை சேர்ந்தவர் முகமது அலி (வயது 50). ஜவுளி வியாபாரி. இவருக்கு மனைவி மற்றும் 2 மகன்கள் உள்ளனர். முகமது அலி நேற்று முன்தினம் இரவு தனது மோட்டார் சைக்கிளில் தியாகராயநகர், வடக்கு உஸ்மான் சாலையில் சென்று கொண்டிருந்தார். அப்போது திடீரென நிலைதடுமாறி சாலையின் நடுவே விழுந்தார். அப்போது அவருக்கு பின்னால் வந்த பட்டினம்பாக்கம்-வடபழனி செல்லும் மாநகர பஸ்(தடம் எண்: 12பி) அவர் மீது ஏறி இறங்கியது. பஸ் சக்கரத்தில் சிக்கிய முகமது அலி, சம்பவ இடத்திலேயே ரத்த வெள்ளத்தில் பரிதாபமாக உயிரிழந்தார்.