தாமிரபரணி ஆற்றில் ஸ்ரீவைகுண்டம் அணையின் கீழ் பகுதி, ஆற்றின் உட்பகுதிகள் மற்றும் கரையோரங்களில் இரவு நேரங்களில் மணல் கொள்ளை நடப்பதாக ஸ்ரீவைகுண்டம் போலீசாருக்கு புகார்கள் வந்தன. இதனையடுத்து ஸ்ரீவைகுண்டம் போலீசார் ஆங்காங்கே ரோந்து பணிகளை தீவிர படுத்தினர். இந்த நிலையில் சம்பவத்தன்று இரவு ஸ்ரீவைகுண்டம் போலீஸ் சப்-இன்ஸ்பெக்டர் முருகப்பெருமாள் மற்றும் போலீசார் ஸ்ரீவைகுண்டம் அருகே சிவராமமங்கலம் பகுதியில் ரோந்து பணியில் ஈடுபட்டு இருந்தனர்.

அப்போது அந்த வழியாக ஒரு லோடு ஆட்டோ வந்தது. அதில் மணல் ஏற்றி வந்ததையறிந்த போலீஸ் சப்-இன்ஸ்பெக்டர் முருகப்பெருமாள் அந்த லோடு ஆட்டோவை நிறுத்த முயன்றார்.