வானவில் : ஹாரியருடன் புத்தாண்டு கணக்கை தொடங்குகிறது டாடா மோட்டார்ஸ்

இந்த காரை அறிமுகம் செய்வதன் மூலம் தனது புத்தாண்டு (2019) கணக்கை தொடங்க உள்ளது டாடா மோட்டார்ஸ் எஸ்.யு.வி. வாகன விற்பனை அதிகரித்து வரும் சூழலில் அந்த இடத்தில் தனது சந்தையை விரிவுப்படுத்திக்கொள்ள ஹாரியரை அறிமுகம் செய்கிறது டாடா மோட்டார்ஸ். இது 2 லிட்டர் என்ஜினைக் கொண்டிருப்பதோடு 140 ஹெச்.பி. திறன் கொண்ட எஸ்.யு.வி. மாடலாக தயாரிக்கப்பட்டுள்ளது. டீசல் மாடலில் வரும் இந்த ஹாரியர் கார் 6 கியர்களைக் கொண்டது. விரைவிலேயே இதில் ஆட்டோமேடிக் டிரான்ஸ்மிஷன் மாடலையும் அறிமுகப்படுத்த உள்ளது. இந்தக் கார் 4,598 மி.மீ. நீளம், 1,894 மி.மீ. அகலம், 1,706 மி.மீ. உயரம் கொண்டதாகவும் 2,741 மி.மீ. விட்டம் கொண்ட சக்கரங்களைக் கொண்டதாகவும் வந்துள்ளது.