தர்மபுரி அரசினர் தொழிற்பயிற்சி நிலையம் மற்றும் தமிழகத்தில் உள்ள அரசு மற்றும் தனியார் தொழிற்பயிற்சி நிலையங்களில் இருக்கும் தொழிற் பிரிவுகளில் சேர்க்கை பெற இணையதளம் மூலமாக விண்ணப்பங்கள் வரவேற்கப்படுகிறது. 14 வயது முதல் 40 வயதுக்கு உட்பட்ட ஆண்கள் விண்ணப்பிக்க தகுதி உடையவர்கள். பெண்களுக்கு வயது உச்ச வரம்பு கிடையாது.

8-ம் வகுப்பு தேர்ச்சி பெற்றவர்கள் கம்பியாள் பிரிவிற்கும், 10-ம் வகுப்பு தேர்ச்சி பெற்றவர்கள் கணினி ஆபரேட்டர் மற்றும் புரோகிராமிங் உதவியாளர், கட்டிட பட வரைவாளர், மின்பணியாளர், வெல்டர், பிட்டர், மோட்டார் மெக்கானிக், டீசல் என்ஜின் மெக்கானிக் டிரில்லர், எந்திர உதவியாளர் ஆகிய தொழிற் பிரிவுகளுக்கும் விண்ணப்பிக்கலாம். மேற்கண்ட தொழிற் பிரிவுகளுக்கு மாவட்ட அளவில் நடக்கும் கலந்தாய்வில் பங்கேற்க விண்ணப்பிக்க விரும்புவோர் www.ski-l-lt-r-a-i-n-i-ng.tn.gov.in என்ற இணையதள முகவரியில் வருகிற 27-ந்தேதிக்குள் விண்ணப்பிக்க வேண்டும்.