இதனால் இரு தரப்பினருக்கும் இடையே மோதல் ஏற்பட்டது. இந்த மோதலில் ஒருவரை ஒருவர் கடுமையாக தாக்கி கொண்டனர். இதில் பலருக்கும் காயம் ஏற்பட்டது. இதையடுத்து சினிமா பாணியில் காரை வேகமாக ஓட்டிய தங்கமணியின் ஆதரவாளர்கள், ஒன்றிய அலுவலகத்தில் இருந்து வெத்தியப்பன் உள்ளிட்ட 3 கவுன்சிலர் களையும் ஏற்றி கொண்டு புறப்பட்டு சென்றனர்.

அப்போது அங்கே இருந்த போலீசார் மோதலில் ஈடுபட்டவர்களை லத்தியை கொண்டு விரட்டினர். இதனால் அங்கிருந்தவர்கள் கலைந்து ஓடினர். இதனால் அந்த பகுதியில் பெரும் பரபரப்பு ஏற்பட்டது. இதைதொடர்ந்து திருவரங்குளம் ஒன்றிய அலுவலக பகுதியில் 20-க்கும் மேற்பட்ட போலீசார் பாதுகாப்பு பணியில் ஈடுபட்டு வருகின்றனர்.

மேலும் ஞான.இளங்கோவனின் ஆதரவாளர்கள் ஒன்றிய அலுவலகத்தில் நடைபெற்ற சம்பவத்தை கண்டித்து பல்வேறு இடங்களில் மறியல் போராட்டத்தில் ஈடுபட போவதாகவும் கூறி வருகின்றனர். ஒரே கட்சியினரிடையே ஒன்றிய குழுத்தலைவர் பதவியை பிடிப்பதற்காக சினிமாவை மிஞ்சும் அளவிற்கு ஏற்பட்ட மோதல் பெரும் பரபரப்பை ஏற்படுத்தி உள்ளது.