கொரோனா வைரசின் கோரப்பிடியில் சிக்கி பலரும் உயிரிழந்து வரும் நிலையில், தங்கள் உயிரை பொருட்படுத்தாமல் காவல்துறையினர் மற்றும் சுகாதார பணியாளர்கள் பணியாற்றி வருகின்றனர். அவர்களை குறிவைத்தும் கொரோனா தனது ஆட்டத்தை தொடர்ந்து வருகிறது. இந்த நிலையில் டெல்லியில் 24 மணி நேரத்தில் 2 உதவி சப்-இன்ஸ்பெக்டர்கள் உயிரை கொரோனா பறித்துள்ளது.

டெல்லி காவல்துறையின் குற்றவியல் பிரிவில் கைரேகை நிபுணராக பணியாற்றிய 54 வயது உதவி சப்-இன்ஸ்பெக்டர் ஒருவருக்கு சில தினங்களுக்கு முன்பு இருமல், காய்ச்சல் இருந்தது. இதைத்தொடர்ந்து கொரோனா பரிசோதனை மேற்கொண்டதில், அவருக்கு வைரஸ் தொற்று இருப்பது தெரியவந்தது.