கடையம் மற்றும் சுற்றுவட்டார பகுதிகளான கடையம், கீழக்கடையம், செக்கடியூர், புறங்காட்டான் புலியூர், அங்கப்பபுரம், நரையப்பபுரம் மற்றும் சுற்றுவட்டார பகுதிகளில் 50-க்கும் மேற்பட்ட விவசாயிகள் எலுமிச்சை, நெல்லி, நார்த்தை, கறிவேப்பிலை, வாழை, தென்னை உள்பட பல்வேறு பயிர்களை விவசாயம் செய்து வருகின்றனர்.

இதில் கீழக்கடையம் பகுதி விவசாயிகளுக்கு மின்சாரம் வழங்கி வரும் டிரான்ஸ்பார்மர் பழுதானது. இதனால் அடிக்கடி மின்தடை மற்றும் குறைந்த மின்னழுத்தம் காணப்படுவதால் விவசாயத்திற்குதண்ணீர் பாய்ச்ச முடியாத நிலை ஏற்பட்டுள்ளது. ஏற்கனேவே கொரோனா வைரஸ் தொற்று பாதிப்பால் விவசாயம் சரிவர விவசாயிகள் செய்ய முடியவில்லை. மேலும் புதிய டிரான்ஸ்பார்மர் அமைக்க வேண்டும் என சம்பந்தப்பட்ட அதிகாரிகளிடம் விவசாயிகள் மனு அளித்துள்ளனர்.