இது குறித்து பி.அம்மாபட்டியைச் சேர்ந்த விவசாயி கணேசன், பெருங்காமநல்லூர் விவசாயி காசிமாயன் ஆகியோர் கூறியதாவது:-

தற்போது மக்காச்சோள செடிகள் நன்றாக வளர்ந்து உள்ளது. ஆனால் காட்டுப்பன்றிகளால் செடிகள் நாசம் அடைந்து வருகிறது. படைப்புழு தாக்குதல் ஒருபக்கம் இருந்தாலும் தற்போது காட்டுப்பன்றிகளால் ஒரு பக்கம் பயிர்கள் சேதம் அடைவது மன வேதனையை தருகிறது.

கடந்த வருடம் பேரையூர் தாலுகா முழுவதும் பல ஏக்கரில் மக்காச்சோளம் பயிர்கள் காட்டுப்பன்றிகளால் சேதம் அடைந்தன. அதற்கு தற்போது வரை நிவாரண தொகை வந்து சேரவில்லை. எனவே காட்டுப்பன்றிகளை கட்டுப்படுத்தவும், சென்ற வருடம் காட்டுப்பன்றிகளால் சேதமான மக்காச்சோள பயிருக்கு நிவாரணம் வழங்கவும் வனத்துறை நடவடிக்கை எடுக்க வேண்டும்.

இவ்வாறு அவர்கள் கூறினர்.

இதுகுறித்து வனத்துறையினர் கூறும்போது, கடந்த வருடம் காட்டுப்பன்றிகளால் சேதமான பயிர்களுக்கு விரைவில் நிவாரணம் வழங்கப்படும்.

தற்போது காட்டுப்பன்றிகளால் பயிர்கள் சேதம் அடைவது குறித்து நேரில் ஆய்வு செய்து நடவடிக்கை எடுக்கப்படும் என்றனர்.