நாட்டு துப்பாக்கிகள் தயாரித்து விற்ற 13 பேர் கைது: 9 துப்பாக்கிகள், 48 தோட்டாக்கள் பறிமுதல்

நாட்டுத் துப்பாக்கிகள் பறிமுதல்

இந்த நிலையில் பெலகாவி மாவட்டம் கானாப்பூர் தாலுகா கட்காளி கிராமத்தில் சிலர் சட்டவிரோதமாக நாட்டுத் துப்பாக்கிகள் தயாரித்து விற்று வருவதாக அதே கிராமத்தைச் சேர்ந்த ஒருவர் போலீசாருக்கு ரகசிய தகவல் கொடுத்தார். அதையடுத்து தனிப்படை போலீசார் அங்கு சென்று சோதனையில் ஈடுபட்டனர்.

அப்போது அங்கு மாருதி ஸ்ரீகாந்த் சுதார் என்பவர் தனது வீட்டில் வைத்து நாட்டு துப்பாக்கிகளை சட்டவிரோதமாக தயாரித்து விற்றது தெரியவந்தது. அதையடுத்து போலீசார் அவரை கைது செய்தனர். அவரிடம் இருந்து ஒரு நாட்டு துப்பாக்கியை பறிமுதல் செய்தனர்.

மேலும் அவரிடம் இருந்து நாட்டு துப்பாக்கிகளை சட்டவிரோதமாக வாங்கிய மார்க்கண்டே நகர் பகுதியைச் சேர்ந்த சோம்நாத் சவுகுலே, சந்தோஷ் நாயக், மாருதி குதத்யாகோல், பாலு நாயக், லட்சுமண் குஜ்னால், முடிகொப்பா பகுதியைச் சேர்ந்த பசவராஜ் சாலோடகி, பசவந்த் யர்மால்கர், லட்சுமண் குராவ் ஆகியோரையும், மாருதி ஸ்ரீகாந்த் சுதார் சட்டவிரோதமாக நாட்டு துப்பாக்கிகள் தயாரிக்க தேவையான ஆயுதங்கள், வெடி மருந்துகள் மற்றும் நிதி உதவியை செய்த மாரியப்பா நாயக் என்பவரையும் போலீசார் கைது செய்தனர்.