ராஞ்சி,

ஜார்கண்ட் மாநிலம் ராஞ்சி மாவட்டத்தில் உள்ள டஸ்சாம் அருவி பகுதியில் மாவோயிஸ்டுகள் பதுங்கி இருப்பதாக பாதுகாப்பு படை போலீசாருக்கு தகவல் கிடைத்தது. அதன்பேரில், போலீசார் நேற்று காலை 4 மணி அளவில் அங்கு சென்று தீவிர தேடுதல் வேட்டையில் ஈடுபட்டனர்.

அப்போது அங்கு மறைந்து இருந்த மாவோயிஸ்டுகள் போலீஸ்காரர்களை நோக்கி துப்பாக்கியால் சுட்டனர். இதில் 2 போலீஸ்காரர்கள் படுகாயம் அடைந்தனர். அவர்களை அக்கம்பக்கத்தினர் மீட்டு சிகிச்சைக்காக ஆஸ்பத்திரிக்கு அனுப்பி வைத்தனர். ஆனால் செல்லும் வழியிலேயே ஒரு போலீஸ்காரர் உயிரிழந்தார். மேலும் மற்றொரு போலீஸ்காரர் ஆஸ்பத்திரியில் சிகிச்சை பலனின்றி இறந்தார்.