கேரளாவில் கடந்த 24 மணி நேரத்தில் 25,010-பேருக்கு கொரோனா வைரஸ் தொற்று உறுதி செய்யப்பட்டுள்ளது. தொற்று பாதிப்பால் இன்று ஒருநாளில் மட்டும் 177-பேர் உயிரிழந்துள்ளனர். மாநிலத்தில் தொற்று பாதிப்புடன் சிகிச்சையில் உள்ளவர்கள் எண்ணிக்கை 2 லட்சத்து 37 ஆயிரத்து 643- ஆக உள்ளது. மாநிலத்தில் தொற்று பாதிப்பு விகிதம் 16.53 சதவிகிதமாக உள்ளது.

கொரோனா தொற்று பாதிப்பைக் கண்டறிய இன்று 1 லட்சத்து 51 ஆயிரத்து 317- மாதிரிகள் பரிசோதிக்கப்பட்டுள்ளன. கேரளாவில் தொற்று பாதிப்பால் இதுவரை உயிரிழந்தவர்கள் எண்ணிக்கை 22,303- ஆக உயர்ந்துள்ளது. மாநிலத்திலேயே அதிகபட்சமாக திரிச்சூர் மாவட்டத்தில் 3,226 பேர் தொற்று பாதிப்புக்கு உள்ளாகியுள்ளனர்.