கர்நாடக சுகாதாரத்துறை மந்திரி சுதாகர் பெங்களூருவில் நேற்று செய்தியாளர்களிடம் கர்நாடக மாநிலத்தின் தற்போதைய தடுப்பூசி நிலவரம் குறித்த தகவலை வெளியிட்டார். அப்போது அவர் கூறியதாவது:-

நான் வருகிற 5 அல்லது 6-ந் தேதி டெல்லி செல்வேன். அப்போது மத்திய சுகாதாரத்துறை மந்திரியை நேரில் சந்தித்து கர்நாடகத்திற்கு கூடுதலாக தடுப்பூசிகளை வழங்குமாறு கோரிக்கை விடுக்க உள்ளேன். கர்நாடகத்தில் கொரோனா தடுப்பூசி பற்றாக்குறை இல்லை. இன்னும் 5 லட்சம் டோஸ் தடுப்பூசிகள் உள்ளன. தடுப்பூசி போடும் பணியை நிறுத்தவில்லை.