லக்னோ,
உத்தரபிரதேசத்தில் இறுதிக்கட்ட தேர்தல் வாக்குப்பதிவு இன்று காலை 7 மணிக்கு தொடங்கி விறுவிறுப்பாக நடைபெற்று வருகிறது. 403 தொகுதிகளை கொண்ட உத்தரபிரதேச சட்டசபைக்கு 7 கட்டங்களாக தேர்தல் நடைபெற்று வருகிறது. அதன்படி, ஏற்கனவே 6 கட்ட தேர்தல் நடைபெற்று முடிந்துள்ளது.
இந்நிலையில், மீதமிருக்கும் 9 மாவட்டங்களில் உள்ள 54 தொகுதிகளில் இந்த வாக்குப்பதிவு நடைபெற்று வருகிறது. காலையிலிருந்தே வாக்காளர்கள் நீண்ட வரிசையில் நின்று வாக்களித்து வருகின்றனர்.
அதன்படி, இன்று மதியம் 3 மணி நிலவரப்படி அங்கு 46.40 சதவீத வாக்குகள் பதிவாகி உள்ளன என்று அம்மாநில தேர்தல் ஆணையம் தெரிவித்துள்ளது.
தற்போது வரை அதிகபட்சமாக சண்டௌலி - (50.75%), சோன்பத்ரா - (49.82%) மற்றும் பதோஹி - (47.50%) தொகுதிகளில் அதிகபட்ச வாக்குப்பதிவு நடந்துள்ளது.