புதுடெல்லி,
மாநிலம் வாரியாக பஞ்சாயத்துகளுக்கு ஒதுக்கப்பட்டுள்ள நிதி விவரங்களை மத்திய பஞ்சாயத்துராஜ் இணை மந்திரி கபில் மொரேஷ்வர் பாட்டீல் நாடாளுமன்ற மக்களவையில் நேற்று எழுத்துப்பூர்வமாக தெரிவித்தார்.
அதன்படி தமிழ்நாட்டுக்கு கடந்த 2019-2020-ம் ஆண்டு முதல் ரூ.9,609.376 கோடி ஒதுக்கப்பட்டுள்ளது. இது 14 மற்றும் 15-வது நிதி ஆணையங்களில் பல்வேறு மேம்பாட்டுப்பணிகளுக்காக பஞ்சாயத்துகளுக்கும், ஊரக உள்ளாட்சி அமைப்புகளுக்கும் வழங்கப்பட்டுள்ளது.
ராஷ்டிரிய கிராம சுவராஜ் இயக்கத்தின் கீழ் மாநிலங்களுக்கு, தேர்ந்தெடுக்கப்பட்ட பிரதிநிதிகளின் திறன் மேம்பாட்டுக்காக ஒதுக்கப்பட்டுள்ள நிதி அடிப்படையில் தமிழ்நாட்டுக்கு ரூ.127.49 கோடி கிடைத்துள்ளது. மேலும் 2023-2024 நிதியாண்டுக்கான பட்ஜெட்டில் பஞ்சாயத்துகளை வலுப்படுத்த ரூ.895 கோடி நிதியும் வழங்கப்பட்டு உள்ளதாக மந்திரி தெரிவித்து உள்ளார்.