தகவல் அறிந்து சம்பவ இடத்திற்கு வந்த திருபுவனை தீயணைப்பு வீரர்கள் கழிவுநீர் தொட்டியில் இருந்து நீரை வெளியேற்றினர். அதன் பிறகு தொட்டிக்குள் உயிரிழந்த நிலையில் கிடந்த ரமேஷின் உடலை மீட்டு தீயணைப்பு வீரர்கள் வெளியே கொண்டுவந்தனர்.

இதுகுறித்து தகவல் அறிந்த திருபுவனை போலீசார் ரமேஷின் உடலை கைப்பற்றி, புதுச்சேரி அரசு மருத்துவமனைக்கு பிரேத பரிசோதனைக்காக அனுப்பிவைத்தனர்.

இந்த சம்பவம் குறித்து திருபுவனை போலீசார் வழக்குப்பதிவு செய்து விசாரணை நடத்தி வருகின்றனர்.