இந்திய மருத்துவ சங்கம் டெல்லியை ஒரு பொது சுகாதார அவசரநிலை மாநிலமாக அறிவித்து உள்ளது. பள்ளிகளை மூடவும் சங்கம் அறிவுரை வழங்கி உள்ளது, பொதுமக்கள் தேவையின்றி வெளியே வருவதை தவிர்க்குமாறும் கேட்டுக் கொண்டு உள்ளது என ஏஎன்ஐ செய்தி வெளியிட்டு உள்ளது.

டெல்லி விமான நிலையத்தில் 20-க்கும் மேற்பட்ட விமானங்களின் சேவையானது பாதிக்கப்பட்டு உள்ளது. தெளிவான வானிலையின்மை காரணமாக விமான ஓடுதளம் மூடப்பட்டது. டெல்லி முதல்-மந்திரி அரவிந்த் கெஜ்ரிவாலும் டெல்லியில் காற்று மாசு மிகவு மோசமான நிலையை அடைந்து உள்ளது என விமர்சனம் செய்து உள்ளார். இதற்கு அனைவரும் இணைந்து தீர்வு காண வேண்டும் எனவும் கூறிஉள்ளார்.

7 விமானங்கள் கால தாமதமாகி உள்ளது, லக்னோவில் இருந்து சென்ற விமானம் ஜெய்பூருக்கு திருப்பி விடப்பட்டு உள்ளது.

ரெயில் சேவையிலும் பெரிதும் பாதிப்பு ஏற்பட்டு உள்ளது. இதற்கிடையே டெல்லியில் மோசமான வானிலை காரணமாக பள்ளிகளுக்கு சில நாட்கள் விடுமுறை அறிவிக்கவும் கல்வி துறை மந்திரி மணிஷ் சிசோடியா அறிவுரை வழங்கி உள்ளார்.

தேசிய பசுமை தீர்ப்பாயம்

தேசிய பசுமை தீர்ப்பாயம் தேசிய தலைநகர் பிராந்திய பகுதியில் மோசமான காற்று மாசுபாடு ஏற்பட்டு உள்ளதற்கு டெல்லி, அரியானா மற்றும் உத்தரபிரதேச மாநிலங்களை கடுமையாக சாடிஉள்ளது. இன்று ஏற்பட்டு உள்ள அவசரகால நிலையை தடுக்க எடுக்கப்பட்ட நடவடிக்கைகள் என்ன என்பதை தெரிவியுங்கள் எனவும் உத்தரவிட்டு உள்ளது.