சுப்ரீம் கோர்ட்டு உத்தரவின் பேரில் மீண்டும் சி.பி.ஐ. இயக்குனராக பொறுப்பு ஏற்ற அலோக் வர்மாவின் பதவியை மத்திய அரசு நேற்று பறித்தது. பிரதமர் மோடி தலைமையில் நடைபெற்ற கூட்டத்தில் இதற்கான முடிவு எடுக்கப்பட்டது. இந்த நிலையில், சிபிஐ இயக்குநர் பொறுப்பில் இருந்து நீக்கப்பட்ட அலோக் வர்மா தன் மீதான குற்றச்சாட்டுகள் அனைத்தும் அற்பமானவை என்றும் ஆதாரமற்றவை எனவும் தெரிவித்துள்ளார்.

இதுகுறித்து அலோக் வர்மா வெளியிட்டுள்ள அறிக்கையில் கூறப்பட்டுள்ளதாவது:- ''அற்பமான, ஆதாரமில்லாத குற்றச்சாட்டுகளின் அடிப்படையில் நீக்கப்பட்டுள்ளது வருத்தத்தைத் தருகிறது. இவை அனைத்தும் எனக்குப் பகையான ஒரு நபரால் உருவாக்கப்பட்டவை.