ஒடிசாவின் பாலசோர் மாவட்டத்தில் சந்திப்பூர் நகரில் மழைப்பொழிவுடன், கடுமையான காற்று வீசி வருகிறது. ஆம்பன் புயல் கடந்த 2.30 மணி முதல் கரையை கடந்து வருகிறது. புயல் கரையை கடப்பதற்கு தொடர்ந்து 4 மணிநேரம் வரை ஆகும்.

ஆம்பன் புயல் கரையை கடந்து வரும் நிலையில், தேசிய பேரிடர் மேலாண் படை தலைவர் எஸ்.என். பிரதான் கூறும்பொழுது, மேற்கு வங்காளத்தில் இருந்து 5 லட்சத்திற்கும் கூடுதலானோர் மற்றும் ஒடிசாவில் இருந்து 1 லட்சத்து 58 ஆயிரத்து 640 பேர் முன்னெச்சரிக்கை நடவடிக்கையாக வெளியேற்றப்பட்டு உள்ளனர் என தெரிவித்து உள்ளார்.