இதற்கிடையில், போர் பதற்றத்தை தணிக்கும் விதமாக இந்திய-சீன ராணுவ மட்டத்தில் பல்வேறு கட்டங்களாக பேச்சுவார்த்தை நடைபெற்றது. அந்த பேச்சுவார்த்தையில் சுமூக முடிவு எட்டப்பட்டத்தை தொடர்ந்து இரு நாடுகளும் எல்லையில் குவித்து வைத்திருந்த படைகளை பரவலாக திரும்பப்பெற்றுள்ளன.

ஆனாலும், கல்வான் பகுதியில் இருந்து சீன படைகள் முழுவதும் திரும்பப்பெறப்படாததால் இந்திய படையினரும் எல்லையில் நிலைநிறுத்தப்பட்டுள்ளனர்.

இந்நிலையில், இந்திய-சீன வீரர்களுக்கு இடையே கல்வான் பகுதியில் மோதல் ஏற்பட்டு இன்றுடன் (2021 ஜூன் 12) ஓராண்டு நிறைவடைந்துள்ளது. இதனை தொடர்ந்து கல்வான் மோதலில் வீரமரணமடைந்த இந்திய வீரர்களுக்கு ராணுவம் இன்று மரியாதை செலுத்தியது.

கல்வான் மோதலில் வீரர்களின் தியாகத்தை போற்றும் வகையில் லடாக் எல்லையில் அமைக்கப்பட்டுள்ள நினைவுத்தூண் பகுதியில் இந்திய ராணுவத்தின் ஃபையர் அண்ட் ப்யூரி பிரிவின் தளபதி ஆகாஷ் கவுசிக் தலைமையில் மரியாதை செலுத்தப்பட்டது.