கன்னட திரைஉலகில் போதைப்பொருள் பயன்படுத்திய விவகாரம் தொடர்பாக, மத்திய குற்றப்பிரிவு இணை போலீஸ் கமிஷனர் சந்தீப் பட்டீல் தலைமையிலான போலீசார் விசாரணை நடத்தி வருகின்றனர். இந்த வழக்கில் கன்னட நடிகைகள் ராகிணி திவேதி, சஞ்சனா கல்ராணி உள்பட 12 பேர் கைது செய்யப்பட்டு உள்ளனர். அவர்களின் போலீஸ் காவல் நிறைவு பெற்றதையடுத்து 2 பேரும் பரப்பன அக்ரஹாரா சிறையில் ஒரே அறையில் அடைக்கப்பட்டு உள்ளனர்.

இந்த நிலையில் நடிகைகள் 2 பேரும் தங்களுக்கு ஜாமீன் வழங்க வேண்டும் என்று பெங்களூரு போதைப்பொருள் தடுப்பு பிரிவு சிறப்பு கோர்ட்டில், தனித்தனியாக மனு தாக்கல் செய்து இருந்தனர். இந்த நிலையில் கடந்த 18-ந் தேதி நடிகைகளின் ஜாமீன் மீதான விசாரணை நடந்தது. பின்னர் விசாரணை 19-ந் தேதிக்கு ஒத்திவைக்கப்பட்டது. இந்த நிலையில் கடந்த 19-ந் தேதி நடிகைகளின் ஜாமீன் மனுக்கள் மீதான விசாரணை நீதிபதி சீனப்பா முன்னிலையில் நடந்தது.