பாகிஸ்தான் பிடியில் சிக்கி மீண்ட சென்னையை சேர்ந்த விமானி அபிநந்தனின் துணிச்சலுக்கு பாராட்டு கிடைத்தது. அதே நேரத்தில், அவரது மீசையும் பிரபலமடைந்தது. இளைஞர்கள் பலர் அவரை போன்றே மீசை வளர்க்க தொடங்கி ரசிகர்களாகினர்.

இந்திய விமான படை விமானி அபிநந்தனின் உருவ படத்தினை டைப்ரைட்டர் உதவியுடன் கர்நாடகாவின் பெங்களூரு நகரில் வசித்து வரும் ஏ.சி. குருமூர்த்தி என்ற ஓவியர் ஒருவர் உருவாக்கி உள்ளார்.

இதுபற்றி அவர் கூறும்பொழுது, அவர் உண்மையான ஹீரோ. நமது நாட்டிற்கு உண்மையான புகழை அவர் கொண்டு வந்துள்ளார். இதுவே என்னை அவரிடம் ஈர்த்துள்ளது என கூறியுள்ளார்.