பாட்னா,
243 உறுப்பினர்களை கொண்ட பீகார் சட்டசபைக்கான தேர்தல் 3 கட்டங்களாக நடந்து வருகிறது. முதல் மற்றும் 2-ம் கட்ட தேர்தல் முறையே கடந்த அக்டோபர் 28 மற்றும் நவம்பர் 3 ஆகிய நாட்களில் நடந்து முடிந்தது. 3-வது மற்றும் இறுதிக்கட்ட தேர்தல் இன்று காலை தொடங்கி நடந்து வருகிறது.
78 தொகுதிகளுக்கு நடைபெறும் இந்த 3-வது கட்ட
தேர்தலை முன்னிட்டு பலத்த பாதுகாப்பு போடப்பட்டு உள்ளது. கொரோனா முன்னெச்சரிக்கை நடவடிக்கைகளும் பின்பற்றப்பட்டு வருகின்றன. 71 உறுப்பினர்களுக்கான முதற்கட்ட தேர்தலில் 55.69 சதவீதமும், 94 உறுப்பினர்களுக்கான 2-வது கட்ட தேர்தலில் 53.51 சதவீதமும் வாக்குகள் பதிவாகி உள்ளன என்று ஆணையம் தெரிவித்துள்ளது.
பீகார் சட்டசபை தேர்தலில் மதியம் 1 மணி நிலவரப்படி 34.82 சதவீத வாக்குகள் பதிவாகி உள்ளன என இந்திய தேர்தல் ஆணையம் தெரிவித்திருந்தது. இந்த நிலையில், மதியம் 3 மணி நிலவரப்படி 45.85 சதவீத வாக்குகள் பதிவாகி உள்ளன என ஆணையம் தெரிவித்து உள்ளது.