புதுச்சேரி தேர்தலில் 10 தொகுதிகளில் போட்டியிடும் பா.ஜ.க.: காரைக்கால் தெற்கு தொகுதியின் வேட்பாளர் அறிவிப்பு

புதுச்சேரி,

புதுவை மாநிலத்தில் ஏப்ரல் 9-ந்தேதி தேர்தல் நடக்கிறது. வேட்புமனு தாக்கலுக்கு நாளை (திங்கட்கிழமை) கடைசி நாள் ஆகும். கடந்த முறைபோல, வருகிற சட்டசபை தேர்தலிலும் நீண்ட இழுபறிக்கு பின்னர் தேசிய ஜனநாயக கூட்டணியில் என்.ஆர்.காங்கிரஸ், பா.ஜ.க. கூட்டணி அமைத்து போட்டியிடுகிறது. இதில் பா.ஜ.க. கட்சியில் வேட்பாளர்களை தேர்வு செய்வதற்காக மத்திய தேர்தல் குழு கூட்டம் டெல்லியில் அந்த கட்சியின் தேசியத்தலைவர் நிதின் நபின் தலைமையில் கூடியது.

கூட்டத்தில் பிரதமர் மோடி, பாதுகாப்புத்துறை மந்திரி ராஜ்நாத்சிங், உள்துறை மத்திரி அமித்ஷா மற்றும் மத்திய தேர்தல் குழு உறுப்பினர்கள் கலந்து கொண்டனர்.

புதுச்சேரி சட்டசபை தேர்தலில் பா.ஜ.க. 10 தொகுதிகளில் போட்டியிடுவதாக அறிவித்து இருந்தது. இந்த நிலையில் கட்சியின் தேசிய பொதுச்செயலாளர் அருண்சிங், ஒரு தொகுதி தவிர 9 தொகுதிகளில் போட்டியிடும் வேட்பாளர்கள் பட்டியலை டெல்லியில் இருந்து வெளியிட்டார்.