பஞ்சாப், அரியானா ஆகிய 2 மாநிலங்களுக்கும் தலைநகராக சண்டிகார் திகழ்ந்து வருகிறது. ஒரு யூனியன் பிரதேசமாகவும் இருக்கிறது. மத்திய அரசின் ஆட்சிப்பணி விதிமுறைகள், சண்டிகார் யூனியன் பிரதேசத்துக்கும் பொருந்தும் என்று சமீபத்தில் மத்திய அரசு அறிவித்தது. அதற்கு எதிர்ப்பு தெரிவித்து, சண்டிகாரை முழுமையாக பஞ்சாப் மாநிலத்துடன் சேர்க்கக்கோரி பஞ்சாப் சட்டசபையில் கடந்த 1-ந் தேதி தீர்மானம் நிறைவேற்றப்பட்டது.

இந்த தீர்மானத்துக்கு அரியானா மாநில முதல்-மந்திரி மனோகர் லால் கட்டார் கண்டனம் தெரிவித்தார். அரியானா மக்களிடம் பஞ்சாப் முதல்-மந்திரி பகவந்த் மான் மன்னிப்பு கேட்க வேண்டும் என்றும் வலியுறுத்தினார்.