டெல்லி ஏ.ஐ. மாநாட்டு அரங்கில் காங்கிரசார் போராட்டம்: ராகுல் காந்தியே காரணம் என பா.ஜ.க. குற்றச்சாட்டு

நாங்கள் ஏ.ஐ. மாநாட்டுக்கு எதிரானவர்கள் இல்லை. இந்திய நலன்களுக்கு எதிராக சமரசம் செய்வதற்குத்தான் எதிராக இருக்கிறோம். நாட்டின் விவசாயிகளிடம் பேரம் பேசப்படும்போது. இந்தியாவுக்கு எதிரான வர்த்தக ஒப்பந்தங்கள் கையெழுத்தாகும் போது. இளைஞர்கள் வேலையில்லாமல் வைக்கப்பட்டு, வெறுப்பு அரசியலில் இழுக்கப்படும்போது. நாம் அமைதியாக இருக்க வேண்டுமா?

இந்த நாடு 140 கோடி குடிமக்களுக்கு சொந்தமானது. மகாத்மா காந்தி காட்டிய பாதையில் நாம் எப்படி நடப்பது என்று நமக்குத் தெரிந்தால், பகத்சிங் காட்டிய பாதையில் எப்படி நடப்பது என்றும் நமக்குத் தெரியும். நாட்டின் இளைஞர்கள் மற்றும் விவசாயிகளின் நலன்களை ஒருபோதும் பேரம் பேச அனுமதிக்க மாட்டோம்” என்று இளைஞர் காங்கிரஸ் தெரிவித்திருந்தது.

இளைஞர் காங்கிரசாரின் இந்த போராட்டத்துக்கு பா.ஜ.க. கடும் கண்டனம் தெரிவித்து உள்ளது. காங்கிரஸ் மூத்த தலைவர் ராகுல் காந்தியின் அறிவுறுத்தலின்பேரில் இந்தியாவின் புகழை கெடுப்பதற்காக இந்த போராட்டத்தில் இளைஞர் காங்கிரசார் ஈடுபட்டதாக குற்றம் சாட்டி உள்ளது.