அயோத்தியில் ராமர் கோவிலுக்கான பூமி பூஜை கடந்த 5-ந் தேதி நடைபெற்றது. பிரதமர் மோடி பங்கேற்று அடிக்கல் நாட்டி வைத்தார். பூமி பூஜைக்காக போடப்பட்ட கூடாரங்கள் மற்றும் இதர கட்டமைப்புகளை அகற்றும் பணி நேற்று முன்தினம் தொடங்கியது. நேற்றும் இப்பணி நடந்தது. அவற்றை அகற்றி விட்டு சுத்தப்படுத்தும் பணியும் மேற்கொள்ளப்பட்டது.

இதைத்தொடர்ந்து இன்று கட்டுமான பணி தொடங்குகிறது. சிவில் கட்டுமான பணிகள், எல் அண்ட் டி நிறுவனத்திடம் ஒப்படைக்கப்பட்டுள்ளது. மொத்தம் 3 ஆண்டுகளில் கோவில் பணி முற்றிலும் முடிவடையும். 2024-ம் ஆண்டு நாடாளுமன்ற தேர்தலுக்கு முன்பாக கோவில் திறந்து வைக்கப்படும் என்று எதிர்பார்க்கப்படுகிறது.