இதுதொடர்பாக அவர் கூறுகையில், 3 நாட்களுக்கு முன்பு மாநிலத்திற்கு 7 லட்சம் தடுப்பு மருந்து கிடைத்தது. இன்றுக்குள் (நேற்று) அது தீர்ந்துவிடும். அதிகாரப்பூர்வ தரவுகளின் படி, ஞாயிற்றுக்கிழமை வரை மாநிலத்தில் மொத்தம் 3 கோடியே 65 லட்சத்து 25 ஆயிரத்து 990 தடுப்பூசி டோஸ்கள் கிடைத்துள்ளன. இதில் மாநில அரசு நேரடியாக வாங்கியது 25 லட்சம் டோஸ் அடங்கும். மராட்டியத்தில் தினமும் 15 லட்சம் பேருக்கு தடுப்பூசி போடுவதற்காக திறன் உள்ளது. ஆனால் பற்றாக்குறையின் காரணமாக ஒரு நாளைக்கு 2 முதல் 3 லட்சம் பேருக்கு மட்டுமே தடுப்பூசி போடப்படுகிறது. நாங்கள் எங்கள் திறனுக்கு குறைவாகவே செயல்பட்டு வருகிறோம். தடுப்பூசி அளவுகள் முறையாக வழங்கப்பட்டால், தகுதியுள்ள அனைத்து மக்களுக்கும் தடுப்பூசி போடுவதற்கான இலக்கை விரைவாக அடைய முடியும். இதற்கு குறைந்த பட்சம் மாதத்திற்கு 3 கோடி டோஸ் தடுப்பூசி தேவைப்படுகிறது என்று ராஜேஷ் தோபே தெரிவித்தார்.