இந்த நிலையில், கே.எம். ஜோசப் மீது ஏற்கனவே செய்த பரிந்துரையை மறு ஆய்வு செய்வதற்கு தலைமை நீதிபதி தீபக் மிஸ்ரா தலைமையில் கொலிஜியம் மே 2 ந்தேதி கூடியது. இதில் மூத்த நீதிபதிகள் செல்லமேஸ்வர், ரஞ்சன் கோகாய், மதன் லோகுர், குரியன் ஜோசப் ஆகியோர் பங்கேற்றனர்.

கே.எம். ஜோசப் பரிந்துரை கோப்பை மத்திய அரசு திருப்பி அனுப்பியது குறித்து, கொலிஜியத்தில் இடம் பெற்றிருந்தவர்கள் விவாதித்தனர். ஆனால் இதில் எந்த முடிவும் எடுக்கவில்லை. முடிவை கொலிஜியம் ஒத்திவைத்து விட்டது. இது சுப்ரீம் கோர்ட்டு இணையதளத்தில் தெரிவிக்கப்பட்டு இருந்தது.

இந்த நிலையில் தலைமை நீதிபதி தீபக் மிஸ்ரா தலைமையில் கொலிஜியம் இன்று கூடி ஆலோசனை நடத்தியது. அப்போது சுப்ரீம் கோர்ட் நீதிபதியாக கே.எம். ஜோசப்பை நியமிக்க மத்திய அரசுக்கு மீண்டும் தலைமை நீதிபதி தீபக் மிஸ்ரா தலைமையிலான கொலிஜியம் பரிந்துரைக்க ஒரு மனதாக முடிவு செய்து உள்ளது.