‘மேற்காசிய போர் சூழலால் கச்சா எண்ணெய் விலை மேலும் உயரக்கூடும்’ - கீதா கோபிநாத்

“மேற்காசியாவில் நிலவும் போர் சூழல் எவ்வாறு முடிவடையும் என்பது குறித்து இன்னும் நிச்சயமற்ற நிலை நிலவுகிறது. மேற்கு ஆசியாவில் ஒரு நீடித்த போர் ஏற்படும் அபாயத்தை சந்தைகள் போதுமான அளவு கணக்கில் எடுத்துக்கொள்ளவில்லை. இந்த நிலை இன்னும் ஒரு மாதம் தொடர்ந்தால், கச்சா எண்ணெய் விலை ஒரு பேரலுக்கு சுமார் 120 முதல் 140 டாலர் வரை உயர்ந்து, நீண்ட காலத்திற்கு அதே நிலையில் நீடிக்கக்கூடும்.

அந்த சூழ்நிலையில், தற்போது 3.1% எனக் கணிக்கப்பட்டுள்ள உலகளாவிய வளர்ச்சி(Global Growth) 2.5% அல்லது 2% ஆக குறையக்கூடும். போர்சூழலை தவிர்க்க விரைவில் ஒரு உடன்பாடு எட்டப்படும் என்றும், நிலைமை ஒப்பீட்டளவில் விரைவாக சீர் செய்யப்படும் என்றும் நம்பிக்கை உள்ளது.