இந்த பாதுகாப்பு குறைபாடு குறித்து உயர்மட்ட விசாரணை நடைபெற்று வருகிறது. சைபர் பாதுகாப்பு மீறல்களில் சில ராணுவ அதிகாரிகள் ஈடுபட்டுள்ளதற்கான அறிகுறிகள் இருப்பதாகவும் தகவல்கள் தெரிவிக்கின்றன. சம்வத்தில் தொடர்புடைய ராணுவ வீரர்கள் மீது மிகக் கடுமையான நடவடிக்கை எடுக்கப்படும்.

இது அதிகாரப்பூர்வ ரகசிய சட்டத்தின் கீழ் வரும் விஷயம். பாதுகாப்பு மீறலுக்கும் எதிரி நாட்டின் உளவு பார்க்கும் செயலுக்கும் தொடர்பு இருக்கலாம் என்பது விசாரணையில் தெரியவரும். இதுகுறித்து விரிவான விசாரணை நடத்தப்பட்டு வருகிறது.

மறுபுறம் இந்தியாவின் அண்டை நாடுகளாக விளங்கும் சீனா மற்றும் பாகிஸ்தான் ஆகிய நாடுகளின் உளவுத்துறை அமைப்புகள் இந்திய ராணுவ வீரர்களிடம் இருந்து ராணுவ தகவல்களை கசியவிட முயன்றதாக தகவல்கள் வெளியாகி இருக்கிறது. ஆனால் பெரும்பாலும் அந்த முயற்சிகள் தோல்வியிலேயே முடிந்துள்ளன. எனினும், சில ராணுவ அதிகாரிகள் அவர்களின் வலையில் சிக்கி விடுகின்றனர் என்று பாதுகாப்புத்துறை அதிகாரிகள் தரப்பில் தெரிவிக்கப்பட்டது.

அதேபோல் இது ராணுவ விவகாரம் என்பதால் தேசிய பாதுகாப்புக்கு பாதிப்பை ஏற்படுத்தும் என்பதால் இது தொடர்பான கூடுதல் விவரங்களை வெளியிட முடியாது. இந்த சம்பவம் குறித்து வதந்திகளை பரப்புவது என்பதும் சம்பந்தப்பட்ட அதிகாரிகளின் பெயர் விவரங்களை வெளியிடுவது என்பதும் விசாரணையை பாதிக்கும் என ராணுவ வட்டாரங்கள் தெரிவிக்கின்றன.