அப்போது கருத்து தெரிவித்த கேரள உயர் நீதிமன்றம், "சபரிமலையில் ஆன்லைன் முன்பதிவு செயல் முறையை அமல்படுத்தவும், அதனை கட்டுப்படுத்தவும் கேரள காவல் துறைக்கு என்ன அதிகாரம் உள்ளது என்று கேள்வி எழுப்பியது. மேலும், சபரிமலை அய்யப்பன் கோவில் விஷயத்தில் தலையிட கேரள அரசுக்கோ, காவல் துறைக்கோ எந்த அதிகாரமும் இல்லை. கோவிலை நிர்வகிக்கவும், முழு கட்டுப்பாட்டில் வைக்கவும் திருவிதாங்கூர் தேவஸ்தானத்திற்கு மட்டுமே அதிகாரம் உள்ளது. ஆகவே சபரிமலை தரிசனத்திற்கான ஆன்லைன் முன்பதிவு உட்பட அனைத்தையும் தேவஸ்தானத்தின் முழு கட்டுப்பாட்டில் கொண்டு வர வேண்டும்" என்று உத்தரவிட்டது.

அதே வேளையில் சபரிமலையில் பக்தர்கள் சிரமம் இன்றி தரிசனம் செய்ய வசதியாகவே ஆன்லைன் முன்பதிவு செயல் திட்டத்தை கேரள காவல் துறை அமல்படுத்தியது என்றும், அதில் எந்தவித கெட்ட நோக்கமும் இல்லை என்றும் கேரள அரசு சார்பில் உயர் நீதிமன்றத்தில் வாதம் முன்வைக்கப்பட்டது.