கேரளத்தில் முதல்–மந்திரியை தேர்வு செய்வதில் தாமதம்: ராகுல் காந்திக்கு எதிராக பேனர்கள் வைத்ததால் பரபரப்பு

இதற்கிடையே 3 பேருடைய ஆதரவாளர்களும் தனித்தனியாக பேரணி நடத்தியதோடு, சாலை நெடுகிலும் பேனர்கள் வைத்தனர். இதே நிலை நீடித்தால் காங்கிரஸ் தொண்டர்கள் இடையே மோதல் ஏற்படும் சூழ்நிலை காணப்பட்டது. இதையடுத்து இதுபோன்ற நடவடிக்கைகளில் யாரும் ஈடுபடக்கூடாது என்றும், யாருக்கும் ஆதரவு தெரிவித்து வெளிப்படையாக கருத்துகளை தெரிவிக்கக்கூடாது எனவும் காங்கிரஸ் மேலிடம் தெரிவித்து இருந்தது.

முதல்-மந்திரி யார் என்பதை அறிவிப்பதில் தாமதம் ஏற்பட்டு வரும் நிலையில், கோழிக்கோடு நகரில் காரச்சேரி பகுதியில் காங்கிரஸ் தொண்டர்கள் பெரிய பேனர் வைத்து உள்ளனர். அதில் ராகுல் காந்தி, பிரியங்கா காந்தி ஆகிய 2 பேருக்கும் காங்கிரஸ் தொண்டர்கள் எச்சரிக்கை விடுத்து உள்ளனர்.

பேனரில், கே.சி.வேணுகோபால் உங்களுக்கு விருப்பப்பட்ட நபராக இருக்கலாம் ஆனால், அவரை மக்கள் முதல்-மந்திரி யாக ஏற்றுக்கொள்ள மாட்டார்கள். தேர்தலில் வெற்றி பெறுவ தற்காக மட்டும் நீங்கள் வயநாட்டுக்கு வர வேண்டாம். இது போன்ற செயல்களால் மக்கள் உங்களுக்கு ஆதரவாக இருக்க மாட்டார்கள் என்று கூறப்பட்டு இருந்தது.