புதுடெல்லி,

பாராளுமன்றத்தில் நிறைவேற்றப்பட்ட வேளாண் மசோதாக்களுக்கு காங்கிரஸ் உள்ளிட்ட பிரதான எதிர்க்கட்சிகள் கடும் எதிர்ப்பு தெரிவித்து வருகின்றன. வேளாண் மசோதாக்களுக்கு ஒப்புதல் வழங்கக் கூடாது என வலியுறுத்தி எதிர்க்கட்சிகள் ஜனாதிபதியை சந்தித்து முறையிட முடிவு செய்தன.

இதன்படி, இன்று மாலை 5 மணிக்கு ஜனாதிபதி ராம்நாத் கோவிந்தை, எதிர்க்கட்சிகள் சார்பில் குலாம் நபி ஆசாத் சந்தித்தார். இந்த சந்திப்பின் போது வேளாண் மசோதாக்களுக்கு ஒப்புதல் வழங்கக் கூடாது என கோரிக்கை அடங்கிய எதிர்க்கட்சிகளின் மனுவை அளித்தார்.

ஜனாதிபதியை சந்தித்த பிறகு செய்தியாளர்களுக்குப் பேட்டி அளித்த காங்கிரஸ் மூத்த தலைவரும் மாநிலங்களவை எதிர்க்கட்சி தலைவருமான குலாம் நபி ஆசாத் கூறுகையில், வேளாண் மசோதா குறித்த எங்களின் கருத்தை ஜனாதிபதியிடம் கூறினோம்.