புதுடெல்லி,
புதிய நாடாளுமன்றக் கட்டிடத்தை ஜனாதிபதி முர்முவைக் கொண்டு திறக்காமல், பிரதமர் மோடியே திறப்பது அரசியல் அரங்கில் பெரும் சர்ச்சையை உருவாக்கி, விவாதப்பொருள் ஆகி உள்ளது.
இது குறித்து முன்னாள் மத்திய மந்திரியும், மாநிலங்களவை எம்.பி.யுமான கபில் சிபல் டுவிட்டரில் கூறி இருப்பதாவது:-
புதிய நாடாளுமன்றக் கட்டிடம் திறக்கப்படுகிறது. நாடாளுமன்றம் நமது குடியரசை அடையாளம் காட்டுகிறது. குடியரசின் தலைவர், ஜனாதிபதிதான். இந்த சிறப்பு வாய்ந்த நிகழ்வில், ஜனாதிபதி கலந்து கொள்ளாதது, நாடாளுமன்ற நெறிமுறைகளை மதிப்பிழக்கச்செய்வதாகத்தான் அமையும். அரசு கண்டுகொள்ளுமா?
இவ்வாறு அவர் கூறி உள்ளார்.