மேலும் இதற்கு ஆதாரமாக முன்னாள் உளவுத்துறை அதிகாரி ராஷ்மி சுக்லா எழுதிய கடிதத்தை அவர் மேற்கொள் காட்டினார். இந்த கடிதத்தில் சில தொலைபேசி அழைப்புகள் ஒட்டுக்கேட்கப் பட்ட தகவல்களும் இருந்தன. இதனால் ராஷ்மி சுக்லா அனுமதி யின்றி தொலைபேசி அழைப்புகளை ஒட்டுக்கேட்டதாக குற்றச்சாட்டு எழுந்தது.இதுகுறித்து அவர் மீது வழக்குப்பதிவு செய்யப்பட்டது. இது தொடர்பாக மும்பை ஐகோர்ட்டில் நடந்து வரும் விசாரணையில், போலீஸ் இடமாற்றம் குறித்த ஊழல்களை கண்டறிய சில தொலைபேசி எண்களை ஒட்டுக்கேட்க அரசு அனுமதி அளித்ததாக தெரிவித்தார்.மேலும் ஒரு சில தொலைபேசி எண்களை கண்காணிக்க டி.ஜி.பி. உத்தரவிட்டதாகவும் அவர் சார்பில் ஆஜரான வக்கீல் தெரிவித்தார்.