டிஜிட்டல் கைது; மங்களூருவில் முதியவரிடம் ரூ.2.07 கோடி மோசடி

இதைக் கேட்டு பயந்துபோன முதியவர், தனக்கும் இதற்கும் எந்த சம்பந்தமும் இல்லை என்று தெரிவித்துள்ளார். ஆனால் அதற்கு மோசடிக்காரர்கள், “உங்கள் மீது மும்பை காவல் நிலையத்தில் வழக்குப்பதிவு செய்யப்பட்டுள்ளது. தொடர்ந்து என்.ஐ.ஏ., அமலாக்கத்துறை அதிகாரிகள் இந்த வழக்கை விசாரிப்பார்கள்” என்று கூறி மிரட்டியுள்ளனர்.

இதையடுத்து அந்த முதியவருக்கு வாட்ஸ் அப் மூலம் பல்வேறு நபர்கள் தொடர்பு கொண்டு தங்களை மூத்த அரசு அதிகாரிகள் என்று கூறி பேசியுள்ளனர். மேலும், கைது நடவடிக்கையில் இருந்து தப்பிக்க வேண்டும் என்றால் நாங்கள் சொல்லும் வங்கி கணக்கிற்கு பணத்தை அனுப்பி வைக்க வேண்டும் என்று அவர்கள் கூறியுள்ளனர்.

இதனை நம்பி அந்த முதியவர், அவர்கள் கூறியபடி, கடந்த ஏப்ரல் 7-ந்தேதி முதல் 18-ந்தேதி வரை பல்வேறு வங்கி கணக்குகளுக்கு மொத்தமாக ரூ.2.07 கோடி பணத்தை அனுப்பி வைத்துள்ளார். ஆனால் அதன் பிறகே இது ஒரு மோசடி என்பது அவருக்கு தெரியவந்தது. பின்னர் இது குறித்து அவர் சைபர் கிரைம் போலீசில் புகார் அளித்தார். போலீசார் இது தொடர்பாக வழக்குப்பதிவு செய்து தீவிர விசாரணை நடத்தி வருகின்றனர்.