கொரோனா பரவல் அதிகரித்ததை தொடர்ந்து இந்தியா-சீனா இடையேயான நேரடி விமான சேவை ரத்து செய்யப்பட்டது. தற்போது நிலைமை சீரடைந்து வரும் நிலையில், இன்னும் அந்த சேவைகள் தொடங்கவில்லை.

இது, கொரோனா காலத்தில் நாடு திரும்பி இருந்த மாணவர்கள், பெற்றோர் மற்றும் பல்வேறு பணிகளுக்காக சீனா செல்வோருக்கு பெரும் சவாலாக மாறி இருக்கிறது. இலங்கை, நேபாளம், மியானமர் வழியாக செல்ல வேண்டியுள்ளதால் பெரும் பண விரயம் ஏற்பட்டு உள்ளது.