மிசோரம் மாநில கலால் மற்றும் போதைப்பொருள் துறை, போதைப்பொருள் கட்டுப்பாட்டுப் பணியகம்(NCB) மற்றும் எல்லை பாதுகாப்புப் படை(BSF) ஆகியவற்றை சேர்ந்த அதிகாரிகள் இணைந்து, கீபாங் மற்றும் செலிங் ஆகிய பகுதிகளுக்கு இடையே உள்ள தேசிய நெடுஞ்சாலையில் தீவிர வாகன சோதனை நடத்தினர்.

இந்த சோதனையின்போது, இரண்டு லாரிகளின் மறைத்து வைக்கப்பட்டிருந்த பெட்டிகளில் 49 கிலோ மெத்தம்பட்டமைன் மற்றும் 36 கிராம் ஹெராயின் ஆகிய போதைப்பொருட்கள் கண்டுபிடிக்கப்பட்டன. பறிமுதல் செய்யப்பட்ட போதைப்பொருட்களின் மதிப்பு சுமார் ரூ.75 கோடி என்று தெரிவிக்கப்பட்டுள்ளது.