துவிஷா சர்மா மரண வழக்கு; குடும்பத்தினரை சந்தித்து மத்திய பிரதேச முதல்-மந்திரி ஆறுதல்

இந்த வழக்கில் பாதிக்கப்பட்ட துவிஷா சர்மாவின் குடும்பத்தினரை மத்திய பிரதேச முதல்-மந்திரி மோகன் யாதவ் இன்று நேரில் சந்தித்து ஆறுதல் கூறினார். அரசு சார்பில் இந்த வழக்கில் அனைத்து வகையிலான ஆதரவும் வழங்கப்படும் என அப்போது அவர்களுக்கு உறுதி கூறினார். இதுபற்றி சி.பி.ஐ. விசாரணை கோரி கடிதம் எழுதுவோம் என்றும் அவர் கூறினார்.

அதற்கு முன் துவிஷா சர்மாவின் தந்தை நவ்நிதி சர்மா கூறும்போது, குற்றவாளியை பாதுகாக்கும் முயற்சி நடக்கிறது. அரசு இந்த விவகாரத்தில் முன்வந்து உதவ வேண்டும் என கேட்டு கொண்டார். பிரேத பரிசோதனை அறிக்கையில் பல அதிர்ச்சி தகவல்கள் வெளிவந்துள்ளன. இதில், பலருடைய செல்வாக்கு இருப்பது தெரிகிறது. உண்மைகள் மூடி மறைக்கப்பட்டு உள்ளன. முழுமையான விசாரணையிலேயே அவை பற்றி தெரிய வரும்.