நாடாளுமன்ற மாநிலங்களவையில் காங்கிரஸ் மூத்த தலைவர்கள் ஏ.கே.அந்தோணி, ஆனந்த் சர்மா உள்பட 13 எம்.பி.க்களின் பதவிக்காலம் முடிவடைகிறது. அதனால் ஏற்படும் அந்த காலியிடங்களை நிரப்ப இம்மாதம் 31-ந் தேதி தேர்தல் நடைபெறுகிறது. இதை தேர்தல் கமிஷன் நேற்று அறிவித்தது.

பஞ்சாப் மாநிலத்தில் 5 இடங்களுக்கும், கேரளாவில் 3 இடங்களுக்கும், அசாம் மாநிலத்தில் 2 இடங்களுக்கும், இமாசலபிரதேசம், திரிபுரா, நாகாலாந்து ஆகிய மாநிலங்களில் தலா ஒரு இடத்துக்கும் தேர்தல் நடக்கிறது.