உணவு கொடுத்த ஆட்டோ டிரைவரை மிதித்துக் கொன்ற யானை - மத்திய பிரதேசத்தில் பரபரப்பு

அதற்கு உணவு கொடுத்த ஆட்டோ டிரைவர் விஜய் ஹோல்கரை தரையில் தள்ளிவிட்டு, அவரது வயிற்றில் மிதித்தது. இதனால் அப்பகுதியில் இருந்த மக்கள் அலறியடித்து ஓட்டம் பிடித்தனர். இந்த சம்பவம் அப்பகுதியில் உள்ள சி.சி.டி.வி. கேமராவில் பதிவாகியுள்ளது. அந்த யானை ஒருவழியாக கட்டுக்குள் கொண்டு வரப்பட்டு அங்கிருந்து அழைத்துச் செல்லப்பட்டது.

யானை தாக்கியதில் படுகாயமடைந்த விஜய் ஹோல்கர் மருத்துவமனையில் அனுமதிக்கப்பட்ட நிலையில், அங்கு சிகிச்சை பலனின்றி அவர் உயிரிழந்தார். இந்த சம்பவம் குறித்து விசாரணை நடத்திய போலீசார், யானை பாகன் உமேஷ் மீது வழக்குப்பதிவு செய்துள்ளனர். மேலும் யானையை நகர் பகுதிக்குள் கொண்டு வர வனத்துறையிடம் உரிய அனுமதி பெறப்பட்டதா என்பது குறித்து விசாரணை நடத்தப்பட்டு வருகிறது.