புதுடெல்லி,
சட்டவிரோத பணப்பரிமாற்ற தடை சட்டத்தின் கீழ் பதிவான வழக்கில் முன்னாள் அமைச்சர் செந்தில்பாலாஜி கைதாகி புழல் சிறையில் அடைக்கப்பட்டு உள்ளார்.
இவர் ஜாமீன் கேட்டு 3 முறை தாக்கல் செய்த மனுவை, சென்னை மாவட்ட முதன்மை செசன்சு கோர்ட்டு தள்ளுபடி செய்தது. ஒரு முறை சென்னை ஐகோர்ட்டும் தள்ளுபடி செய்தது.
இந்தநிலையில், சென்னை ஐகோர்ட்டில் செந்தில்பாலாஜி 2-வது முறையாக ஜாமீன் கேட்டு மனு தாக்கல் செய்திருந்தார். இந்த மனுவை விசாரித்த நீதிபதி என்.ஆனந்த்வெங்கடேஷ் கடந்த மாதம் (பிப்ரவரி) 28-ந்தேதி தள்ளுபடி செய்தது. இதற்கிடையே ஜாமீன் கோரி செந்தில்பாலாஜி சார்பில் வக்கீல் ராம்சங்கர் சுப்ரீம் கோர்ட்டில் மேல்முறையீடு செய்துள்ளார். இந்த மனு விரைவில் விசாரணைக்கு வருகிறது.