மாநிலங்களவையில் நாளை மறுநாள் நிதி மசோதா பரிசீலனை - மத்திய மந்திரி தகவல்

இதற்கு கிரண் ரிஜிஜு அளித்த பதிலில், “மார்ச் 26-ந்தேதி விடுமுறை என்பதால் அன்றைய தினம் மாநிலங்களவை நடைபெறாது. பொதுவாக அவை உறுப்பினர்கள் வெள்ளிக்கிழமைகளில் தனிநபர் மசோதாக்களை அறிமுகப்படுத்துவார்கள். இருப்பினும், வரும் வெள்ளிக்கிழமை, மார்ச் 27-ந்தேதி நிதி மசோதா மிகவும் முக்கியத்துவம் வாய்ந்ததாக இருப்பதால் அது விவாதத்திற்கு எடுத்துக்கொள்ளப்படும்.

முன்னதாக, சனி மற்றும் ஞாயிற்றுக்கிழமைகளில் நாடாளுமன்ற கூட்டத்தொடர்களை நடத்த அரசு முடிவு செய்திருந்தது. ஆனால், தற்போதைய சூழ்நிலையை கருத்தில் கொண்டு, வார விடுமுறையை தொடர முடிவு செய்யப்பட்டுள்ளது. தொடர்ந்து, மார்ச் 30 முதல் திட்டமிட்டபடி நாடாளுமன்றம் செயல்படும்” என்று தெரிவித்தார்.